ياوقت وش ذنبي وانا اللي مديت لك ماقلت هات
خسرتني رحلة عمر ماارتاح من يتعبها
تعبت واحلامـي على باب الامل والامنيات
وأرضى بها وقت الرضى واذا زعلت اذنبها
احيان ياخذني الحزن وتضيق بي لربـع جهـات
واعاتب حـــظـــوظ الزمـــن واذمها واسبها
ياليل وش حدك على صدري وانا صدري شتات
كنك تـــــنــاول ضـــلــــوع الــشـــقــى وتشبها
خليتني ماعاد اميــــز شـ الحيـــــــــاة من الممات
ياجعل نفسي ماتحوش الا الرضى مــن ربــهــا
يابري حالي كــــــــل مادنقت وازراني السكات
اجمع هجوس الــشــعر واشمل بها واجنبها
كثرة سكاكين الجمل وانا اسأل الله الثبـــــــات
تخالف أضلوعي سكاكين الجفا وتجبــهــــــا
ماعادني بيـــــــاي لامنــــــي بغيت النــايفات
من عـــــقــــب ماانا لابغيت النايفات اذبها
قولوله قولوله وان عـــــــــود ترى مافات فات
اربه لاشـــــافــــ ديـــــار الخليل ينبها
كن الزمان يشب في صدري وانا مالي سواة
الا اني اشـــــرع ضلوعي للهــــبـــوب تهبها
والغيبه اللي خلت عروقي مثل جـــــــف النبات
ياليتها مــاتحـــرق اعصـــابي ولاتــــلعبهـا
والله لولا الخوف من ربي ثم من هرج الشمات
لاحـــط صـورته على راحت يدي واحبها
,,
راقت لي
السبت أكتوبر 29, 2011 12:54 am