أبيك اليوم تنساني وتنسى الحب وأحزانه
أنا صابر على ظلمك أنا عاشق بإحساسي
أراعي من يراعي الحب ويعرف كل أوزانه
عطيتك حب من قلبي تنفسته مع أنفاسي
حسبت أن الهوى عادل ولا توجد به خيانه
حسافه يوم صدقتكو قلت أنك اعز ناسي
أنا ما شفت فيك إلا الغدر وبكل ألوانه
تبي ترجع تراضيني نسيت أنك علي قاسي
أنا لي قلب ما ينسى ولو عليت من شانه
أنا طبعي كذا حتى ولو عافتني جلاسي
أشوف الحق بعيوني وأقوله بكل تبيانه
عيونك لو بها حورٍ انا صدق قوي باسي
جمالك ما يهز القلب لو حتى الحلا زانه
تذكر يوم أنا جيتك وقلت أهواك يا ناسي
وأغليتك على روحي وعطاك القلب تحنانه
رجعت اليوم تبكي لي وتعاتب قلبك القاسي
كشفت بحزن أوراقك وقلبك بانت أشجانه
ترى ما يفيد لو تبكي وقع فاسك على راسي
تحطم فيك أنا قلبي وعفت الحب وأحزانه
أبيك اليوم يا ظالم تذوق المر من كاسي
مصير اللي يخون الحب عليه تدورزمانه
السبت أكتوبر 29, 2011 1:30 am
