هزّيت غصن القصيد و هزّني شوقي=و مع كل هزّة غلا هزّيت غصنه
الين ما تْساقط المعنى و طاروقي=جرّيت به صوتي اللي ضابطٍ لحنه
طارت عصافير غصنه تنقل خْفوقي=الـْدار خلٍ كساها الغيم و المزنة
هلّت على غرفته و ابتل صندوقي=صندوقي اللي رمى به و اردفه لعنة
يا طير بلّغ خليلي صدق منطوقي=و قلّه خليلك كبا و مْصاب بالغبنة
غبنة تقطّع حشاه و صاح يا شوقي=أوّاه وينك أنا من دونك فْـمحنة
كذا تعذّب خليلك تقطع عروقي=كذا تجندل عشيقك تصرعه بحزنه
يا طير ناظر عيوني موقه بـْموقي=تثبّتت صورة المحبوب من حسنة
يا طير عيد النظر في عين معشوقي=و غرّد بيوت القصيد و لحنّه وزنه
و انشده عن قلبي اللي صار محروقي=أشعل حطبها حقودٍ شبّها فتنة
لا يسمع حْكى العرب خلاّقنا فوقي=يسمع و يجزي هل المعروف بالحسنه
و الا الحقود الذي يقصر عن عْذوقي=خليه يندب حظوظه يسرة بيمنة
هلّت مزون القصيد و لاحت بْروقي=و الجو غايم و دمعي أغرق الوجنة
ارفق على قلبي اللي وسط معلوقي=من قبل ما تدفنه و الدفنة الدفنة
و يا طير بلّغ خليلي صدق منطوقي=و غرّد بيوت القصيد و لحنّه وزنه
السبت أكتوبر 29, 2011 12:48 am